mardi 13 avril 2010

في الفرق بين التكريز والتغفيص

نؤمن بكل اشكال التواصل واهمها اللغة اللتي كانت دائما وابدا ما يميز البشر على الحيوان اما لسي المكرّز باش نقول كلمتين حطيتهم على حائط مبكاه وهانى نعاود نقولهملو توة

الوطى نية الجديدة اللى تروجلها فاشلة فشلك في اثبات وجهة نظرك التفاهة هذا كان عندك راي جملة انا محبطة من الناس اللي كيفكم حرقتوا ارواحكم على بكري اللي حكيناه في التشات او اللى حكيتو انت فارغ كى طاسة مخك سي المكرّز الغريب انت تلوم على المدونين وانت متخبى وراء قناع سياسة النعامة اللى تلوم علينا فيها تنتهجها وبامتياز ومش بها اللغة الهابطة والغارقة في التفاهة باش تبدّل الواقع ومش بفيديو باش تفتح عقول الناس وتخلاهم يمنو بيك تفكرني بها التافه المكي اللى اعلن جمهورية وراء الحدود والا بالبو اللي شادد سيقارو ويضرب في ولدو لانو بدى يتكيف وانا كفاطمة الرياحي وكمدونة تونسية وكمواطنة نقلك انك فاشل جدّا وخطابك فارغ من اي معنى ومهزوز ومتناقض انجم نكتب على الفشل متاعك كتاب اما باش نخليك مع هبلتك ونمشي لما اهمّ

وهذا جوابك في التشات على سؤالي علاه المنطق هذا اللى في الفيديو الفاشل ؟ قتلى وبالحرف
hedheka nivohom ou nivo barcha minkom joubana

ma3jbekchi a3mel makhir

khritounla fi kifna jme3it elkhouf

ma trabbitich khayef
ونستنتج انو الشجاعة متاعك ما تعداتش النص اللوطانى متاعك منين اشتقيت وطى نيتك المزعومة احنا المدونين التوانسة ما ادعيناش في العلم معرفة اللى يحكى على الكسكسي بالعصبان واللى يحكى على مرج الكار واللى يصفق فرحان تعلمنا في ها الفضاء انو الاختلاف حق وحرية التعبير تكفلي انى نحكى على اللى نحب في نطاق احترام متبادل للافكار والامخاخ المعششة فيها مش بالسبان المجانى والتهديم والقمع اللى تعمل فيه انت نوع خايب برشة من القمع
قمع للاختلاف ولحرية الاخر والحرية مسؤولية سي المكرّز قبل ما تكون سبّان وتهجم على الناس اللي ما تحلمش تخلط لمستواها على خاطرك وصلت للقاع ومازلت تحفر
انت كي المبيد الحشري الفايسبوكي ، كى عنف الملاعب ، كى المتناقضات الكل اللى في مجتمعنا ، نبات طفيلي غريب توة يموت بالوقت ، برّه توة على روحك وواصل في التغفيص الحاجة اللى تتميز بيها

2 commentaires:

  1. الساعة إسلّم عليك طارق المكي زكية ! و حتى من زكية إتسلّم عليك !ّ

    RépondreSupprimer
  2. يا فاطمة، ما يقعد في الواد كان حجرو. و كيما كتبتها على تويتر: ها الكمشة الملثمة كيما أصحاب الكهف، رقدو عشرة سنين و خرجو لاعبينها أنبياء، يحبو يقضيو في السوق بصوردو قديم و مصدد.

    RépondreSupprimer