قيّد باش ما ترجعلناش كبه التجمّع ، قيّد باش ترجم حميدة بن جمعة ، قيّد باش تنوي الخير وتعملو وتلقاه، قيّد باش ترضى عليك امنا الحنينة تونس ،
قيّد باش ما تظلمش اللي ماتو بالكرطوش ، والي ماتو وما ادفنوش، مازالو جهايم ماشية على الأرض جثة بلا روح، تتنفس قتلها الخوف، وقتلها سيستام بن علي الكلب قيّد باش ماننساوش اللي صار، في تبديت، ام العرايس، والرقاب والقصرين،
قيّد باش ما تعطيش بظهرك للي غاب عليه خيال ، خوه والا بوه والا صاحب والا صاحبة والا ام والا ضنى غالي ،
قيّد وخمّم في اللي ما ينجموش يقيدو اللي غيبتهم الموت ، وغيبتهم الحبوسات
كون صوت اللي ما عندو صوت، صوت اللي غدرتو الموت، خلي صوتك رصاصة في قلب المجرمين وما تعطيهمش فرصة يعيشو معانا ،
قيّد هز صاحبك هز صاحبتك هز امك وبوك وخوك الصغير ، واحكي لولدك على ها النهار واعمل تصويرة تبقى في الذاكرة تأرّخ بيها ، غدوة قريب ، غدوة بعد عشرة والا عشرين سنة، تقول وقت اللى عملنا الانتخابات عندي تصاور نهار اللي قيّدت في القوائم الانتخابية ،وتجبد الالبوم وتوريه للعايلة وللاصحاب ،
قيّد باش تمنّع التاريخ والذاكرة ،
قيّد باش تفكّ حقّك في المواطنة ،
وباش الجرذان كيف ما عماد الطرابلسي يموتو بالحسرة
قيّد على جال تونس
قيّد باش ما تظلمش اللي ماتو بالكرطوش ، والي ماتو وما ادفنوش، مازالو جهايم ماشية على الأرض جثة بلا روح، تتنفس قتلها الخوف، وقتلها سيستام بن علي الكلب قيّد باش ماننساوش اللي صار، في تبديت، ام العرايس، والرقاب والقصرين،
قيّد باش ما تعطيش بظهرك للي غاب عليه خيال ، خوه والا بوه والا صاحب والا صاحبة والا ام والا ضنى غالي ،
قيّد وخمّم في اللي ما ينجموش يقيدو اللي غيبتهم الموت ، وغيبتهم الحبوسات
كون صوت اللي ما عندو صوت، صوت اللي غدرتو الموت، خلي صوتك رصاصة في قلب المجرمين وما تعطيهمش فرصة يعيشو معانا ،
قيّد هز صاحبك هز صاحبتك هز امك وبوك وخوك الصغير ، واحكي لولدك على ها النهار واعمل تصويرة تبقى في الذاكرة تأرّخ بيها ، غدوة قريب ، غدوة بعد عشرة والا عشرين سنة، تقول وقت اللى عملنا الانتخابات عندي تصاور نهار اللي قيّدت في القوائم الانتخابية ،وتجبد الالبوم وتوريه للعايلة وللاصحاب ،
قيّد باش تمنّع التاريخ والذاكرة ،
قيّد باش تفكّ حقّك في المواطنة ،
وباش الجرذان كيف ما عماد الطرابلسي يموتو بالحسرة
قيّد على جال تونس
كلمات..ليست كالكلمات..تفاعل معها..أو انّك..امسح مات
RépondreSupprimer